Türkmenistanyň Awtoulag mekdepleriniň birleşmesi audiowizual okuw gollanmasyny neşir etdi
Fewral 18, 2023 | 10:14 |4434
«Türkmenawtoulaglary» agentliginiň Awtoulag mekdepleriniň birleşmesi «Türkmenistanda ýol hereketiniň düzgünleri» atly täze audiowizual okuw gollanmasyny çykardy – diýip, edaranyň resmi saýty habar berýär.
Gollanma 25 sany öwredýän animasion bölümi öz içine alýar. Sapaklar sürüjilere düşnükli görnüşde beýan edilen Türkmenistanda hereket edýän ýol hereketiniň düzgünlerini tiz özleşdirmäge kömek etmäge niýetlenendir.
Anyk mysallaryň üsti bilen animasion sapaklar awtoulagy howpsuz sürmegi öwredýärler we ýollarda örän ünsli bolmaga çagyrýarlar.
Audio we şekilli ýazgyly diskler ýakyn wagtda satuwa çykarylar.
ORIENT habarlar
