Türkmenistan we BMG bilelikdäki taslamalaryň maliýeleşdirilmegi meselelerini ara alyp maslahatlaşdylar
Türkmenistanyň Maliýe we ykdysadyýet ministri Serdar Joraýew penşenbe güni BMG-niň Türkmenistandaky hemişelik utgaşdyryjysy Dmitriý Şlapaçenko bilen bilelikdäki taslamalaryň maliýeleşdirilmegi meselelerini ara alyp maslahatlaşdy.
Taraplar Türkmenistanda Durnukly ösüşiň maksatlarynyň maliýe taýdan üpjün edilmegi we ýurduň ikinji Meýletin milli synynyň taýýarlanmagy üçin möhüm maglumatlary bermek meselelerine aýratyn üns berdiler.
Şunuň bilen baglylykda, maglumatlaryň elektron ýygnalmagynyň möhümdigi we DÖM-nyň tiz ýerine ýetirilmegi üçin möhüm ykdysady maglumatlary habar bermegiň wajypdygy nygtaldy.
Şeýle hem Türkmenistanyň hökümeti bilen BMG-niň 2021-2025-nji ýyllar üçin durnukly ösüş boýunça hyzmatdaşlygyň Çarçuwalaýyn maksatnamasynyň çäklerinde göz öňünde tutulan hyzmatdaşlygyň beýleki gelejekki ugurlaryna garaldy.
ORIENT habarlar
