HYYÖU-nyň geljekki žurnalistleri iki zady bellediler
Ynsanperwer ylymlar we ösüş Halkara uniwersitetiniň žurnalistika fakultetiniň talyplary birbada iki sany dabaraly güni belläp geçdiler: «Acta diurna» atly žurnalistleriň talyplar klubynyň döredilmeginiň 2 ýyllygyny we Magtymguly Pyrgaynyň doglan gününiň 300 ýyllygyny – diýip, şu gün «Neýtralny Turkmenistan» gazeti ýazýar.
Çäräni gurnaýjylar onuň talyplaryň dünýägaraýşyny giňeltjekdigine we talyplaryň okuwa bolan gyzyklanmasynyň artdyrjakdygyna umyt bildirdiler, bu bolsa geljekde olaryň ýokary başarnykly hünärmenler bolmagyna kömek eder.
Çäräniň dowamynda talyplar türkmen we iňlis dillerinde edebi-sazly eserleri ýerine ýetirdiler. Şeýle hem Magtymguly Pyragynyň poeziýasyna bagyşlanan sergi guraldy.
«Acta diurna» kluby talyplar tarapyndan özleriniň geljekdäki kärini tejribe etmek we özleşdirmek maksady bilen döredilipdi. Onuň ady ýöne ýere saýlanmady - Acta diurna taryhdaky ilkinji gazetleriň biri hasaplanýar. Latyn dilinden terjime edilende onuň ady «gündelik wakalar» bolýar. Şunuň ýaly ýazgyly tagtalar we ýazylan habarlar adamlaryň öz şäherinde nämeleriň bolup geçýändigini bilmekleri üçin her gün köp adamly ýerlerde goýlupdyr.
ORIENT habarlar
