Türkmen düýudoçylary Warşawada okuw-türgenleşik ýygnanyşygyny geçirerler
Türkmenistanyň dzýudo boýunça ýygyndysy 19-njy fewraldan 23-nji fewral aralygynda Warşawada (Polşa) okuw-türgenleşik ýygnanyşygyny geçirer. Sport çäresiniň guramaçylary bolup Dzýudonyň halkara federasiýasy çykyş edýär.
Türkmen dzýudoçylarynyň öňde boljak okuw-türgenleşik ýygnanyşyklaryna gatnaşmagy 2024-nji ýylda Parižde geçiriljek tomusky Olimpiadada çykyş etmek mümkinçiligine taýýarlyk bolar.
Öňde duran sport çäresine gatnaşýan türkmen ýygyndysynyň düzüminiň erkekler toparyna Aýbek Omirow, Hakberdy Jumaýew, Serdar Rahymow, Hekim Agamammedow, Parahat Nazarow, Şatlyk Seýitmyradow, Begenç Soltanow, zenanlar toparyna Aksoltan Hojageldiýewa, Kurbanaý Kurbanowa, Maýsa Pardaýewa we Zulhumar Daşkinowa girýärler.
Okuw-türgenleşik ýygnanyşyklaryny gurnaýjylar türgenler üçin nazaryýet we tejribe bilimlerini hödürlärler.
Türkmen dzýudoçylarynyň öňde duran okuw-türgenleşik ýygnanyşyklaryna gatnaşmagy 2024-nji ýylyň Parižde geçiriljek tomusky Olimpiadasynda çykyş etmäge taýýarlanmagyň nobatdaky tapgyry bolar.
Artur PETROSÝANS
