Indi gümrük deklarasiýasyny resmileşdirmek TIR-ň çäklerinde tölegsiz bolar – Türkmenistanyň Döwlet gümrük gullugy
HÝD (Halkara ýol daşamalary) kitapçasyny ulanýan ýük daşaýjylar üçin indi gümrük deklarasiýalary tölegsiz we gümrük brokeriniň hyzmatyny ulanmazdan, awtomatik düzgünde resmileşdirilýär. Bu barada Türkmenistanyň Döwlet gümrük gullugynyň resmi saýty ýazýar.
Bu HÝD kitapçalaryny ulanýan TIR-EPD halkara maglumat ulgamyna integrirlenmeginiň netijesinde we Türkmenistanda ASYCUDA World platformasynyň ulanylmagynyň netijesinde mümkin boldy.
TIR-EPD-den deslapky elektron maglumatlar türkmen tarapyna awtomatik usulda berilýär, şol sebäpli ýük daşaýjylar Türkmenistanyň araçäginden geçende gaýtadan gümrük deklarasiýasyny resmileşdirmek zerurlygy aradan aýrylýar.
Türkmenistanyň gümrük nokatlarynda ýörite ýaşyl geçelgeler döredilýär, ol ýerde HÝD bolan ýük daşaýjylara nobatsyz hyzmat edilýär.
ORIENT habarlar
