Tükmenistan we Awstraliýa işewürlik forumi geçirmegi meýilleşdirýärler
Türkmenistan we Awstraliýa şy ýylda iki ýurduň daşary ykdysady edaralarynyň arasynda işewürlik forumy geçirmegi meýilleşdirýärler.
Bu barada Türkmenistanyň daşary işler ministriniň orunbasary Wepa Hajyýewiň Awstraliýanyň Türkmenistandaky täze ilçisi Greým Miham Lesli bilen geçiren duşuşygynyň jemleriniň esasynda belli boldy – diýip, Türkmenistanyň DIM-niň saýty habar berýär.
Taraplar bazarlaryň geljegi bilen tanyşmak we mundan beýläkki hyzmatdaşlyk üçin teklipleri işläp düzmek üçin iki ýurduň kompaniýalarynyň we telekeçileriniň arasyndaky gatnaşyga ýardam etmek barada aýtdylar. Diplomatlar şeýle hem medeniýet we ylym babatda özara gatnaşyklaryň mümkinçiligini bellediler.
Täze bellenen ilçi iş sapary bilen Türkmenistanda bolýar. Awstraliýanyň diplomatiki wekilhanasynyň rezidensiýasy Moskwada ýerleşýär.
ORIENT habarlar
