Türkmenistan GDA-nyň XV Halkara ykdysady forumyna gatnaşar
Türkmenistanyň hökümetinde maliýe we ykdysadyýete gözegçilik edýän wise-premýer Hojamyrat Geldimyradow 2023-nji ýylyň 17-nji martynda Moskwada boljak GDA döwletleriniň -gatnaşyjylarynyň «Integrasiýalaryň dialogy: GDA, EAES, ŞOS, BRIKS» XV Halkara ykdysady forumynda ýurdumyza wekilçilik eder.
GDA, EAES, BRIKS we ŞOS guramalarynyň meýdançalarynyň arasynda uzak möhletleýin hyzmatdaş gatnaşyklaryny ýola goýmagy maksat edinýän forum ministrlikleriň, edaralaryň we iri maliýe düzümleriniň baştutanlaryna integrasiýa we senagat kooperasiýasynyň meselelerini ara alyp maslahatlaşmaga mümkinçilik berer.
Forumyň çäklerinde maliýe, senagat, saglygy goraýyş, ulag, logistika we ýaşyl ykdysadyýet ýaly temalardan bölümleriň tapgyry geçiriler – diýip, Arkalaşygyň Işewür merkeziniň saýty habar berýär.
Forumyň işine şeýle hem ŞOS guramasynyň baş sekretary Çžan Min gatnaşar, ol öňde duran çäre döwrebap şertlerde hyzmatdaşlygy pugtalandyrmaga gönükdirilen halkara alamatlandyrjy waka bolar diýip belledi.
Forum Ýewraziýa yklymynyň integrasion birleşmeleriniň ýurtlaryň arasynda alnyp barylýan taslamalaryň soňraky utgaşdyrylmagy üçin gyzyklanma döretmäge niýetlenendir.
ORIENT news
