Türkmenistanda DÖM-nyň ikinji Meýletin milli synyna taýýarlygy ara alyp maslahatlaşdylar
Türkmenistan Durnukly ösüşiň maksatlaryna ýetmek boýunça ikinji Meýletin milli syny taýýarlaýar. Resminamanyň taslamasy DÖM-sy boýunça Iş toparynyň mejlisinde ara alnyp maslahatlaşyldy – diýip, BMG-niň Türkmenistandaky wekilhanasynyň Instagramdaky sahypasynda habar berilýär.
Toparyň agzalary halkara bilermen Bakytgül Kambar bilen birlikde hasabatyň taýýarlanyş prosessi bilen baglanyşykly meseleleri maslahatlaşdylar, şol sanda ministrlikler we pudaklaýyn edaralar tarapyndan berlen maglumatlary we analitiki materiallary maslahatlaşdylar. Olar şeýle hem ýurtda DÖM-ny durmuşa geçirmekde mundan beýläkki ädimleri hem bellediler.
DÖM-sy boýunça Ikinji Meýletin milli syny Türkmenistan BMG-niň durnukly ösüş boýunça 2023-nji ýylda boljak ýokary derejedäki Syýasy forumynda hödürlär.
Resminama gender meselelerini çözmekde we gender syýasatyny kämilleşdirmekdäki çäreleri, şeýle hem bu meseläniň milli we pudaklaýyn maksatnamalaryň goşulmagynda öňe gidişligiň berilmegini göz öňünde tutýar.
Resminamanyň taýýarlanmagy Türkmenistanyň Maliýe we ykdysadyýet ministrligi bilen BMGÖM-nyň bilelikdäki «Durnukly ösüşiň Maksatlaryny ýerine ýetirmek üçin platforma» atly taslamasynyň ikinji tapgyrynyň çäklerinde ýerine ýetirilýär.
ORIENT habarlar
