Türkmen boksçysy rus promouşnde söweş geçirer
Türkmen boksçysy Ihtiýar Maşaripow rus söweşijisi Sergeý Makedona garşy çykyş eder. Bu barada ORIENT-e Türkmenistanyň Boks federasiýasynda habar berdiler.
Derejeli göreş Moskwada Pravda boxing halkara ýaryşynyň çäklerinde ýarym agyrlykda geçer. Onuň öňüsyrasynda 16-njy fewralda Aşgabat wagty bilen 12:00-da metbugat maslahaty we türgenleriň agramyny çekmek çäresi bolup geçer.
ORIENT-e Türkmenistanyň Boks federasiýasynda gürrüň berişleri ýaly, Ihtiýar Maşaripow ýaryşda ony gurnaýjylar tarapyndan ugradylan ýörite çagylyk boýunça çykyş eder, şeýle hem sportuň bu görnüşini meşhurlyga öwürmek maksady bilen bu sport çäresine gatnaşar.
Ihtiýar Maşaripow Daşoguz welaýatynda doglandyr. 27 ýaşly boksçy Türkmen döwlet bedenterbiýe we sport institutynyň talybydyr.
Sport ussatlygyna dalaşgäriň iň soňky sport üstünligi Türkmenistanyň Kubogy -2022-niň boks boýunça bürünç medalydyr.
Pravda Fighting Championship – 2021-nji ýylda badalga berlen rus promouşinidir. Ýaryşyň çäklerinde hem boks boýunça başa-baş söweşler, şeýle hem garyşyk ýekebara göreşler geçirilýär.
Artur PETROSÝANS
