Türkmenistanyň Prezidenti täze Senagat we gurluşyk önümçiligi ministrini belledi
Fewral 17, 2023 | 15:17 |13421
Türkmenistanyň Prezidenti Serdar Berdimuhamedow Toýguly Nurowy Senagat we gurluşyk önümçiligi ministri wezipesine bellenýändigi barada Permana gol çekdi – diýip, TDH habar berýär.
Ahal welaýatynyň Bäherden etrabynda doglup, ol senagat pudagynda uzak ýyllaryň dowamynda dürli wezipelerde işledi, hususan-da – «Kelete» we «Bäherden» sement zawodlaryna ýolbaşçylyk etdi. 2021-nji ýylyň oktýabryndan başlap, Senagat ministrliginiň gurluşyk materiallary bölümine ýolbaşçylyk etdi.
Ozal Senagat we gurluşyk önümçiligi ministri wezipesini Baýmyrat Annamämmedow eýeleýärdi. Geçen anna güni ol türkmen hökümetiniň wise-premýeri edilip bellenildi .
ORIENT habarlar
