Eýran Yslam Respublikasynyň paýtagtymyz Aşagabatda üç gün dowam eden sergisiniň şu gün ýapylyş dabarasy boldy.
Eýran Yslam Respublikasynyň paýtagtymyz Aşagabatda üç gün dowam eden sergisiniň şu gün ýapylyş dabarasy boldy.
Eýran Yslam Respublikasynyň ykdysady ösüşine ýardam berýän önüm öndürijileriniň ýöriteleşdirilen sergisi iki goňşy ýurduň arasynda özara bähbitli söwda-ykdysady gatnaşyklary ösdürmekdäki nobatdaky ädime öwrüldi. Bu sergi dostlukly ýurt bolan Eýranyň ylmy-senagat işläp taýýarlamalar we tehnologiýalar pudagyndaky iň täze gazanan üstünliklerini görkezmegiň oňat mümkinçiligi bolup, goňşy ýurduň ykdysadyýetiniň möhüm ugurlaryny açyp görkezdi.
Serginiň ýapylyşyş dabarasynda iki halkyň arasyndaky hoşniýetli goňşuçylyk, dost-doganlyk we özara düşünişmek ýörelgelerine esaslanýan gatnaşyklara, türkmen-eýran söwda-ykdysady hyzmatdaşlygyna häzirki döwürde hil taýdan täze itergi berilýändigi, medeni-ynsanperwer gatnaşyklaryň yzygiderli ösmegi üçin zerur şertleriň döredilýändigi bellenildi. Türkmenistanyň daşary syýasatynyň ileri tutulýan ugurlarynyň biri dünýä döwletleri, ilkinji nobatda, ýakyn goňşular bilen birek-birege hormat goýmaga esaslanýan gatnaşyklary ösdürmekden ybaratdyr. Şundan ugur alyp, Türkmenistan Eýran Yslam Respublikasy bilen ikitaraplaýyn gatnaşyklary ösdürmäge we berkitmäge uly ähmiýet berýär.
Eýran Yslam Respublikasynyň ýöriteleşdirilen ykdysady sergisiniň ýapylyş dabarasynda Aşgabatda giň gerimli şeýle gözden geçirilişiň geçirilmegine we işlemäge hemme şertleriň, mümkinçiikleriň döredilendigi üçin hormatly Prezidentimize tüýs ýürekden hoşallyk sözleri beýan edildi. Dabaranyň ahyrynda Eýran Yslam Respublikasynyň ýöriteleşdirilen ykdysady sergisine gantaşyjylar Türkmenistanyň hormatly Prezidentine Ýüzlenme kabul etdiler.
