Aşgabada iş sapary bilen gelen Russiýa Federasiýasynyň hökümetiniň başlygynyň orunbasary Owerçuk ýurdumyzyň Ministrler Kabinetiniň Başlygynyň orunbasarlary Meredow we Geldimyradow bilen duşuşyk geçirdi.
Aşgabada iş sapary bilen gelen Russiýa Federasiýasynyň hökümetiniň başlygynyň orunbasary Owerçuk ýurdumyzyň Ministrler Kabinetiniň Başlygynyň orunbasarlary Meredow we Geldimyradow bilen duşuşyk geçirdi.
Duşuşykda ikitaraplaýyn gyzyklanma bildirilýänugurlarda özara bähbitli hyzmatdaşlygy mundan beýläk-de giňeltmegiň geljegine degişli meseleleriň giň toplumyna garaldy. Taraplar ozal gazanylan ylalaşyklary ýerine ýetirmek boýunça alnyp barlan işlere oňyn baha berdiler hem-de hakyky dostlugyň we hoşniýetli goňşuçylygyň köpasyrlyk däplerine daýanýan netijeli hyzmatdaşlygyň işjeňleşdirilmegine iki ýurduň umumy gyzyklanma bildirýändigini tassykladylar. Duşuşygyň dowamynda türkmen-rus strategik hyzmatdaşlygy mundan beýläk-de pugtalandyrmagyň zerurdygy bellenildi, halkara we sebit guramalarynyň çäklerinde netijeli hyzmatdaşyk etmek meselelerine üns berildi.
Şeýle hem bilelikdäki taslamalaryň durmuşa geçirilişi ara alnyp maslahatlaşyldy. Daşary ýurt işewürleri üçin has oňaýly şertler döredilen geljegi uly türkmen bazaryna gatnaşmaklaryny giňeltmäge Russiýanyň işewür toparlarynyň örän uly gyzyklanma bildirýändiklerini beýan edip, myhman rus işewürliginiň Türkmenistanyň durmuş-ykdysady taýdan ösüş babatdaky uly taslamalaryna mundan beýläk-de has işjeň gatnaşmaga hem-de türkmen hyzmatdaşlary bilen iň oňat öňdebaryjy tejribäni we täze tehnologik işläp taýýarlamalary paýlaşmaga taýýardygyny aýtdy.
Şonuň ýaly-da, duşuşygyň barşynda ikitaraplaýyn haryt dolanyşygynyň oňyn depgine eýedigi barada durlup geçilip, Türkmenistanyň Russiýa Federasiýasynyň iri sebitleri bilen hyzmatdaşlygy işjeň alyp barýandygy hem-de rus kompaniýalarynyň Türkmenistanyň ykdysadyýetiniň dürli pudaklarynda amala aşyrylýan taslamalara gatnaşmak mümkinçilikleriniň giň gerimlidigi nygtaldy.
