KazanForum-yň çäklerinde 200-den gowrak çäre geçirmek meýilleşdirilýär
18-19-njy maýda boljak «Russiýa-Yslam dünýäsi: KazanForum» halkara ykdysady forumynyň çäklerinde 200-den gowrak çäräni geçirmek meýilleşdirilýär. Bu barada çäräni geçirmek baradaky guramaçylyk komitetiniň sekretary, Maýa goýum agentliginiň baştutany Talliýa Minullina habar berdi.
Forumyň işewür maksatnamasynyň her gün üsti ýetirilýär – şu günki günde onda 127 sessiýa bar, olarda halkara hyzmatdaşlyk, tehnologiki özygtyýarlyk meseleleri, maliýe, syýahatçylyk, ýaşlar syýasaty, sport, lukmançylyk we durnukly ösüş babatynda özara hereket etmek meselelerini ara alyp maslahatlaşarlar.
Guramaçylar tarapyndan «Russiýa-Pars aýlagy» formatynda parlamentara diňlemeleriniň geçirilmegi, «Russiýa-YHG ýurtlary üçin» sessiýasy, Türkiýe, Müsür, Indoneziýa, Azerbaýjan, Özbegistan we Malaýziýa bilen ikitaraplaýyn forumlaryň geçirilmegi meýilleşdirilendir.
Halkara forumyndaky sessiýalaryň biri «Meniň Russiýadaky maýa goýum üstünligim» ady bilen musulman ýurtlaryndan bolan maýa goýumçylaryň Russiýada nähili işleýändikleri barada gürrüň berer. Şeýle hem Yslam bankinginiň Russiýadaky ösüşini ara alyp maslahatlaşmak hem meýilleşdirilýär.
«Bu Merkezi bankyň taýýarlaýan iň möhüm sessiýalarynyň biridir. Trek däp bolup gelýän maliýe gurallaryna alternatiwa hökmünde hyzmatdaşlaryň maliýeleşdirmesine bagyşlanar» – diýip, Minullina jogap berdi.
Guramaçylyk komitetiň sekretary çäräniň çäklerinde ylalaşyklara gol çekilmegine, şeýle hem önümi üpjün etmek barada anyk şertnamalara gol çekilmegine taýýarlyk görülýändigini aýtdy we Tatarystanyň yslam dünýäsini Russiýanyň sebitleri we kärhanalary bilen baglanyşdyrmaga niýet edinýändigini sözüniň üstüne goşdy. Munuň üçin «Tatnefthiminwest-holdingiň» esasynda hereket edýän ýörite iş topary döredilendir.
Işewür çäreler bilen bir hatarda şol günlerde halal senagatyň Halkara sergisi Russiýa Halal Expo we halal senagatyň Halkara ýarmarkasy Russia Halal Market geçiriler. Bu meýdany 20 müň inedördül metr meýdanda özboluşly halal—bazar bolar, ol ýerde işe täze başlan onlarça brendler özlerini tanadyp bilerler.
20-nji maýda etiki modanyň şou-görkezilişi geçiriler, onda yslam ýurtlaryndan bolan dizaýnerler öz keşplerini görkezerler.
ORIENT habarlar
