Türkiýede magnitudasy 5,1 deň bolan ýene bir ýer titreme boldy

Fewral 17, 2023 | 17:17 |8130

Ýurduň günorta-gündogaryndaky Türkiýäniň Hataý welaýatynda magnitudasy 5,1 ball bolan ýene bir ýer titreme boldy – diýip, Anadolu agentligi habar berýär.

Tebigy betbagtçylyklar we adatdan daşary ýagdaýlar müdirliginiň (AFAD) maglumatyna görä, ýer titremäniň merkezi Arsuz şäherinden 6 km uzaklykda Ortaýer deňzinde boldy.

Yrgyldylar 9,26 km çuňlukda bellenildi.

Hataýyň häkimi Rahmi Dogan haýsydyr bir ýakymsyz wakalar, şol sanda binalara zeper ýetendigi barada duýduryşlar ýok diýip, habar berdi. Ol şeýle hem gözleg-halas ediş toparlarynyň çäginiň skanirleme işleriniň dowam etdirilýändigini aýtdy.

ORIENT news