Aziýanyň milli olimpiýa komitetleri türgenleri okatmak üçin goldaw gaznasyna badalga berýärler
Aziýanyň 13 milli olimpiýa komitetleri (MOK) türgenleri çekmek we okatmak boýunça maksatnama badalga berdiler.
Hususan-da, türgenlere gönükdirilen taslamalaryň gaznasy Bangladeşiň, Butanyň, Hytaý Taýbeýiniň, Gonkongyň, Yragyň, Ýaponiýanyň, Gazagystanyň, Mongoliýanyň, Mýanmanyň, Saud Arabystanynyň, Şri-Lankanyň we Täjigistanyň milli olimpiýa komitetleri tarapyndan esaslandyryldy.
2024-nji ýyla çenli niýetlenen maksatnama sport guramalaryna türgenleri okatmaga, olary sport hereketine çekmäge gönükdirilen dürli çäreleri durmuşa geçirmäge mümkinçilik berer. Ol şeýle hem olara kämilleşmäge we psihologiki durnuklylyk döredip, karýerasy gutarandan soňra hem ösmäge kömek etmäge niýetlenendir.
«Türgenler – bu oňyn jemgyýeti gurmaga ýardam edýän uly barlykdyr» – diýip, Aziýanyň Olimpiýa Geňeşiniň türgenleri we ýörite taslamalary ösdürmek bölüminiň baştutany Toni Tarraf aýtdy we olar üçin maýa goýum goýmak gerekdigini belledi.
ORIENT news
