Türkmen mekdep okuwçylary takyk ylymlar boýunça halkara olimpiadanyň medalyny gazandylar
Türkmen mekdep okuwçylary matematika, fizika we informatika boýunça okuwçylaryň arasynda geçirilýän Halkara Žautykow olimpiadasynda 2 kümüş medal we 3 bürünç medal gazandylar – diýip, «Neýtralnyý Turkmenistan» gazeti habar berýär.
Aşgabadyň 86-njy ýöriteleşdirilen mekdebiniň okuwçysy Rahym Agamyradow we Ahal welaýatynyň Ak bugdaý etrabynyň 46-njy ýöriteleşdirilen orta mekdebiniň okuwçysy Dawut Muhammetgurbanow münberiň ikinji basgançagyna çykdylar, paýtagtyň 86-njy orta mekdebinden we S. Türkmenbaşy adyndaky internatyň okuwçysy Kerimguly Bendow we Selim Artykow – üçünji ýeri eýelediler. Şeýle hem Daşoguz şäheriniň 26-njy orta mekdebiniň okuwçysy Alihan Jumabaýew hem bürünç medalyň eýesi boldy.
Abraýly halkara bäsleşigine 26 ýurtdan 1,2 müňden gowrak okuwçy gatnaşdy. Olaryň 515-i -matematika, 385-i- informatika we 341-i – fizika dersi boýunçagatnaşdylar.
Žautykow olimpiadasy ilkibaşda Russiýanyň we Gazagystanyň mekdepleriniň fizika-matematika synplarynyň okuwçylaryna niýetlenilipdi, ýöne ol basym uly meşhurlyga eýe bolmak bilen, iki ýurduňçäklerinden daşyna çykdy. Bu ýyl oňa Türkmenistanyň, Germaniýanyň, Rumyniýanyň, Bolgariýanyň, Gruziýanyň, Belorussiýanyň, Russiýanyň, Hindistanyň, Azerbaýjanyň, Mongoliýanyň, Indoneziýanyň, Wýetnamyň we beýleki döwletleriň okuwçylary hem gatnaşdylar.
ORIENT habarlar
