Dubaýyň dükanlary ýüzüňi tanamak arkaly töleg ulgamyny girizdiler
Müşderilere hyzmat etmegiň hilini gowulandyrmak maksady bilen, Dubaýyň dükanlarynda satyn alnan zatlara töleg geçirmek üçin ýüzüňi tanaýan skanerleri ulanyp başladylar.
Nagt pul serişdeleriniň we bank kartlarynyň bolmagyny aradan aýyrýan Face Pay ulgamy Network International tarapyndan bölek satuw boýunça fransuz kompaniýasy Carrefour bilen bilelikde işe girizildi.
Satyn alyja kassa gelende ýylgyrmak ýeterlikdir we ulgam awtomatiki usulda müşderiniň ýüzüni tanap, tölegi kabul edýär. Hyzmaty almak üçin satyn alyjynyň Carrefour web-saýtynda hasaba alynmalydygyny göz öňünde tutmaly.
Ulgamy döredijileriň belleýişleri ýaly, Face Pay kassalardaky hyzmaty tiz, rahat amala aşyrýar we şeýle hem girdejini artdyrýar, howpsuzlygyň ynamly protokollarynyň kömegi bilen işewürligi mümkin bolan aldawçylykdan goraýar.
ORIENT habarlar
