BAE-niň kompaniýalary «Galkynyş» gaz ýatagyny özleşdirmäge işjeň gatnaşarlar
BAE-niň iri nebit-gaz kompaniýalary Türkmenistandaky ägirt uly «Galkynyş» gaz ýatagynyň indiki tapgyrlaryny özleşdirmäge işjeň gatnaşarlar.
Bu Türkmenistanyň Halk Maslahatynyň Başlygy Gurbanguly Berdimuhamedowyň Abu-Däbä eden saparynyň netijeleriniň esasynda Türkmenistan bilen BAE-niň arasyndaky bilelikdäki beýannamadan gelip çykýar. Resminama şu gün resmi türkmen metbugatynda çap edildi.
ÝET-da ikitaraplaýyn hyzmatdaşlygy ösdürmek boýunça «Türkmengaz» döwlet konserni we Abu-Dabiniň Milli nebit kompaniýasy özara düşünişmek barada ähtnama gol çekdiler. Onuň çäklerinde taraplar Türkmenistandaky mümkin bolan energiýa taslamalarynyň geljegini bilelikde öwrenmegi niýet edinýärler, ahyrky önümi marketing etmek bilen birlikde, uglewodorod serişdelerini gazyp almagy, şeýle hem gaz-ulag infrastrukturasyny ösdürmekligimeýilleşdirýärler.
Şeýle hem ähtnamada Türkmenistanyň we BAE-niň türkmen tebigy gazyny dünýä bazarlaryna çykarmaga aýratyn üns berilýändigi nygtalýar we munuň üçin şol bir wagtda maýa goýumlarynyň üsti bilen bilelikdäki işjeňligi goldaýarlar.
Türkmenistanyň Halk Maslahatynyň Başlygy Gurbanguly Berdimuhamedow 11-12-nji fewralda BAE-niň prezidenti şeýh Mohammed bin Zaýed Al Nahaýýanyň çakylygy boýunça BAE-ne resmi sapar bilen bardy.
ORIENT habarlar
