Oleg Kononenkonyň türkmen halkynyň Milli Lideriniň adyna ugradan gutlag haty
Onuň Alyhezreti,
türkmen halkynyň Milli Lideri,
Türkmenistanyň Halk Maslahatynyň Başlygy
jenap Gurbanguly Berdimuhamedowa
Siziň Alyhezretiňiz, çuňňur hormatlanylýan Gurbanguly Mälikgulyýewiç!
Täze, 2023-nji ýyl mynasybetli tüýs ýürekden gutlaglarymy kabul ediň!
Türkmenistan 2023-nji ýyly parahatçylykda, asudalykda hem-de ertirki güne ynam bilen garşy aldy. “Halkyň Arkadagly zamanasy” şygary bilen geçen ýyl ýurduň agzybirliginiň we jebisliginiň, türkmen halkynyň döwletliligi pugtalandyrmakda, Türkmenistanyň halkara abraýyny belende galdyrmakda, 2023-nji ýylda öňde goýlan wezipeleri çözmekde mundan beýläk-de öňe gitmäge taýýardygynyň subutnamasy boldy.
Şunda Size we halk häkimiýetiniň ýokary wekilçilikli edarasy-Türkmenistanyň Halk Maslahatyna ýolbaşçy bolup alyp barýan işleriňize, parlamentara hyzmatdaşlygyny giňeltmek we pugtalandyrmak boýunça edýän tagallalaryňyza uly orun degişlidir. Maňa, işime we hünär üstünliklerime berýän hemişelik ünsüňiz üçin Size tüýs ýürekden hoşallygymy bildirýärin. Bu ünsüňizi mundan beýläk-de belent sepgitlere ýetmek üçin ylham beriji güýç hökmünde kabul edýärin. Siziň bilen şu ýylda duşuşmaga umyt edýärin we mähriban Watanyma-Türkmenistana ýene-de bir gezek barmaga şatdyryn.
Goý, 2023-nji ýyl Size, Siziň maşgalaňyza berk jan saglyk we rowaçlyk, ildeşlerim-türkmenistanlylara bolsa, parahatçylyk we täze üstünlikleri getirsin.
Tüýs ýürekden hormatlamak bilen,
Oleg Kononenko,
Türkmenistanyň we Russiýa Federasiýasynyň Gahrymany, instruktor, synagçy-kosmonawt, “Roskosmos” korporasiýasynyň kosmonawtlar toparynyň serkerdesi.
