China daily: hytaý alymlary akylly telefonlaryň kameralaryny anyklaýyş enjamyna öwürdiler
Hytaý alymlary adaty akylly telefonlaryň kameralaryny çagalarda görüşiň bozulmagyny irki döwürde ýüze çykarýan gurala öwürýän goşundyny işläp düzdüler – diýip, China daily habar berýär.
Üç minudyň dowamynda mulfilmiň şekiline seretmek ýeterlik we Apollo Infant Sight atly ulgam hassanyň görüşini we ýüzüniň alamatlaryny skanirläp, diagnozy kesgitleýär.
Ulgam 85% anyklyk bilen keseliň 16 görnüşini kesgitläp bilýär, şol sanda dogabitdi kataraktany we dogabitdi glaukomany. Testiň netijeleri ýörite goşundyda beýan edilýär we görüşiň bozulmagynyň ýokary töwekgelçiligi ýüze çykarylan halatynda, ol çagany tejribeli göz lukmanlaryna ýollamak barada habar berýär.
Sun Ýatsen Uniwersitetiniň Çžunşan oftalmologik merkeziniň professory Lin Haotýanyň habar bermegine görä, öň bu çylşyrymly meseledi, sebäbi çagalar görüşiň standart testleri mahaly ünsüni başga tarap sowýarlar.
Ulgam bäş sany dürli klinikalarda we dürli şertlerde synag edilip görüldi. Ol saglygy goraýyş işgärleri, ata-eneler tarapyndan başga ýagdaýlary, şol sanda görüşiň serebral bozulmalaryny anyklamak üçin ulanylmaga netijelidigini görkezdi.
Ylmy-barlagçylar topary şeýle hem ulgamyň gizlinligini hem göz öňünde tutdular. Ol hakyky wagt düzgüninde ýüzüň üç ölçegli gurluşynyň tehnologiýasyny işläp düzýär, ol biometriki maglumatlary bozup aýyrmaga mümkinçilik berýär, ýöne garaýşyň häsiýetnamasy we gözüň hereketleri saklanyp galýar.
ORIENT habarlar
