Saud Arabystany tölegsiz üstaşyr wiza bermegi girizdi
Saud Arabystanynyň Daşary işler ministrligi Patyşalyga howa ulagy arkaly gelýänler üçin tölegsiz üstaşyr wizanyň (Stopover Visa) berilmegine badalga berdi.
Täze sanly wiza onuň eýesine Patyşalykda 4 günüň dowamynda bolmaga hukuk berýär we berlen wagtyndan soň üç aýyň dowamynda güýjüni saklaýar.
Üstaşyr wiza ýolda bolýan ýolagçylara Saud Arabystanynyň gowy ýerleri bilen tanyşmaga, keramatly ýerlere baryp görmäge, şeýle hem umra hajyny amala aşyrmaga mümkinçilik berýär.
«Stopover Visa» Saud Arabystanyň dünýädäki syýahatçylyk pudagyny ösdürmäge ygrarlydygynyň, ýurduň syýahatçylar üçin açykdygynyň ýene-de bir subutnamasydyr» — diýip, Saud Arabystanyň syýahatçylyk ministri we Patyşalygyň syýahatçylyk Müdirliginiň dolandyryjy başlygy Ahmet Al-Hatib aýtdy. Ol şeýle hem bu yklymlaryň we bütindünýä syýahatçylyk ugrunyň arasyndaky baglaýjy düzüm hökmünde bu Saud Arabystanyň ýagdaýyny has hem pugtalandyrar – diýip, belledi.
ORIENT habarlar
