Türkiýäniň syýahatçylykdan alan girdejisi 2022-nji ýylda ýarym esseden gowrak ýokarlandy
Türkiýede 2022-nji ýylda syýahatçylyk pudagyndan gelýän girdeji $46 mlrd-dan geçdi, bu bolsa 2021-nji ýyldakydan 53,4% köpdür. Bu Türkiýäniň syýahatçylyk pudagyndaky täze rekordy – diýip, Türkiýäniň Statistika institutynyň maglumatlaryna salgylanyp, resmi türk KHBS-i habar berýär.
Türkiýäniň syýahatçylykdan alan girdejisi 2022-nji ýylda ondan öňki ýyl bilen deňeşdirilende 53,4% ýokarlandy we $46,28 mlrd-a ýetdi. Jahankeşdeleriň Türkiýedäki şahsy çykdajylary $34,47 mlrd-a deň boldy, syýahatçylyk bukjalaryň çägindäki çykdajylar bolsa - $11,8 mlrd-dan geçdi - diýlip, habarda aýdylýar.
Statistika görä, 2022-nji ýylda Türkiýä 44 milliondan gowrak daşary ýurtly syýahatçylar barypdyr. 2023-nji ýylda bu ýurt 60 mln-dan gowrak syýahatçyny, 2028-nji ýylda bolsa – 90 mln syýahatçyny kabul etmegi meýilleşdirýär.
ORIENT news
