Türkiýede 10 welaýatda adatdan daşary ýagdaýy girizmek barada perman çykaryldy

Fewral 08, 2023 | 15:39 |12080

Türkiýäniň häkimiýetleri weýrançylykly ýer titremeleriň netijesinde ejir çeken ýurduň 10 welaýatynda adatdan daşary ýagdaý düzgünini girizdiler. Bu baradaky permana Rejep Taýyp Ärdogan gol çekdi – diýip, Anadolu agentligi habar berýär.

ADÝ düzgüni 8-nji fewraldan başlap güýje girýär we 3 aýlap dowam eder.

Häzirki wagtda halas ediş işlerinde 26 müňden gowrak adam işleýär, 70-den gowrak ýurtdan kömek gelýär. Adatdan daşary ýagdaý zolagynda bolan welaýat 13,5 mln golaý adamy öz içine alýar. Ýurduň häkimiýetleri tebigy betbagtçylygyň netijesini ýok etmek üçin $5,3 mlrd bölüp berdiler.

Türkmenistan hem Türkiýäniň ýer titremeden ejir çeken etraplaryna ynsanperwerlik kömegini ugratdy

ORIENT habarlar