Russiýanyň küşt federasiýasy Aziýanyň küşt federasiýasynyň düzümine girer
Russiýanyň Küşt federasiýasy (RKF) Aziýanyň Küşt federasiýasynyň düzüminde çykyş edip, özüniň yklyma degişliligini üýtgetmek isleýär.
Russiýa Aziýada geçirilýän ýaryşlara gatnaşmak teklibi Aziýanyň Olimpiýa geňeşinden gelip gowuşdy.
Eýýäm geçen ýylyň aprelinde Russiýanyň Küşt federasiýasy özüniň yklym edarasyny üýtgetjekdigi baradaky niýetini habar berip, Ýewropanyň Küşt birleşigine hat ugradypdy.
Russiýanyň Küşt federasiýasynyň baştutany Andreý Filatow gutarnykly kararyň guramanyň Baş Assambleýasynda kabul ediljekdigini öz beýanatynda nygtady. «Eger-de bu babatda hiç hili garşylyk bolmasa, onda RKF-nyň Aziýanyň Küşt federasiýasyna geçmek üçin ýaşyl yşyk aldy hasaplanar» – diýip, Ýewropanyň Küşt birleşiginiň beýanatynda aýdylýar.
Gutarnykly geçişiň fewralyň ahyryna çenli bolup geçmegine garaşylýar.
ORIENT habarlar
