Özbegistanda daşary ýurtlylary wagtlaýyn hasaba almaga bildirilýän talaby ýönekeýleşdirdiler
Özbegistanda daşary ýurt raýatlaryny we raýatlygy bolmadyk şahslary respublikanyň çäginde wagtlaýyn ýaşaýan ýeri boýunça wagtlaýyn hasaba almaga bildirilýän talaplar ýönekeýleşdirildi – diýip, “Ýangi Uzbekiston” habar berýär.
Degişli karar Özbegistanyň Ministrler Kabineti tarapyndan 2023-nji ýylyň 30-njy ýanwarynda kabul edildi we 31-nji ýanwarda güýje girdi. Resminama laýyklykda daşary ýurt raýatlary gelenlerinden soň 3 günüň dowamynda wagtlaýyn hasaba alynmak üçin migrasiýa edarasynyň bölümlerine ýüz tutmalydyrlar.
Karar şeýle hem öň ýurtda bolmaklygyň düzgünini bozan ýa-da beýleki düzgün bozmalaryna ýol beren daşary ýurt raýatlaryny we raýatlygy bolmadyk şahslary waglaýyn hasaba almak üçin içeri işler edaralarynyň razylygyny almak zerurlygyny ýatyrýar.
Öz gezeginde, ýerleşdirme we lukmançylyk edaralarynyň administrasiýasy, şeýle hem hususy ýaşaýyş jaýlarynyň eýeleri daşary ýurtlylary içeri işler edaralaryna düzgün bozmalar barada “E-mehmon” programmasynyň üsti bilen habar berip, ýerleşdirip bilýärler.
Resminama bilen jikme-jik maglumatlar bilen Özbegistan Respublikasynyň Kanunçylygynyň milli maglumatlar binýadynda tanşyp boýar.
ORIENT habarlar
