BelTA-nyň žurnalistleri — ylmyň gazananlaryny beýan etmek boýunça bäsleşigiň ýeňijileri
Belorussiýanyň BelTA telegraf agentliginiň žurnalistleri ýurduň Milli ylymlar akademiýasy tarapyndan geçirilýän 2022-nji ýylyň ylymda gazanylanlarynyň KHBS-de iň gowy beýan edilmegi boýunça bäsleşikde ýeňiş gazandylar.
Şeýlelikde, BelTA-nyň habarlar baş redaksiýasynyň ykdysady habarlar bölüminiň redaktory Waleriýa Gawrilowa «Belorussiýanyň Milli ylymlar akademiýasynyň gazananlaryny internet torunda iň gowy tanyşdyrmak» ugry boýunça ýeňiş gazandy. «Belorus dumkasy» žurnalynyň redaksiýasynyň synçysy Snežana Mihaýlowskaýa «Ylmy-populýar neşirdäki iň gowy eser» bilen tapawutlandy.
«Eger-de biz öz üstünliklerimizi jemgyýetçilige ýetirmek islesek, ilki bilen žurnalistler bilen işleşmeli»- diýip, Belorussiýanyň MYA-nyň Prezidiumynyň başlygy Wladimir Gusakow ýeňijilere ýüzlendi we olara belorus ylmyny dünýä ýaýmakda döredijilik üstünliklerini arzuw etdi.
13-nji gezek geçirilýän Belorussiýanyň Milli ylymlar akademiýasynyň döredijilik bäsleşiginde «Iň gowy neşir», «Radiodaky we telewideniýedäki iň gowy gepleşik», internet-kategoriýa ugurlary boýunça işler hödürlendi. Bäsleşige jemi 38 awtordan 126 iş gelip gowuşdy.
ORIENT habarlar
