Türkmen işewürlerini Hytaýdaky importyň halkara sergisine çagyrýarlar
Türkmenistanyň hususy ulgamynyň wekillerini import edilýän harytlaryň we hyzmatlaryň 6-njy halkara sergisine (CIIE) gatnaşmaga çagyrýarlar, ol şu ýylyň 5-nji noýabryndan 10-njy noýabry aralygynda Şanhaý şäherinde geçiriler. Bu barada Türkmenistanyň Senagatçylar we telekeçiler birleşmesiniň saýty habar berýär.
Gyzyklanýan taraplar 48-81-05 telefon belgisi arkaly Hytaýyň Türkmenistandaky ilçihanasyna ýüz tutmaly.
Çärä gatnaşmak üçin hasaba alynmagyň ahyrky möhleti — 31-nji iýul.
Bu döwlet tarapyndan goldanylýan we Hytaýa import etmäge bagyşlanan dünýädäki iň uly ýeke-täk sergidir. Onuň gurnaýjylary bolup HHR-nyň Täjirçilik ministrligi we Şanhaý şäheriniň Halk häkimiýeti çykyş edýärler.
Geçirilen ýyllarynyň dowamynda bu sergi maýa goýumyna höweslendirmegiň, medeni alyş-çalyşyň we Hytaýyň beýleki ýurtlar bilen açyk hyzmatdaşlygyna höweslendirmegiň esasy platformasy boldy. Ol döwletleriň we sebitleriň arasyndaky hyzmatdaşlygy pugtalandyryp, bütindünýä söwdasyna we dünýä ykdysady ösüşine ýardam etmäge niýetlenendir.
Başlangyç bahalandyrmalara görä, sergi 150 müň gatnaşyjyny kabul eder.
Jikme-jik maglumaty çäräniň resmi saýtyndan alyp bolýar.
ORIENT habarlar
