Türkmenistan ýer titremesinden ejir çeken Türkiýä ynsanperwerlik kömegini ugratdy (täzelendi)
Türkmenistan 6-njy fewralda Türkiýede bolup geçen weýrançylykly ýer titremesi sebäpli bu ýurda ynsanperwerlik kömegini ugratdy.
Ynsanperwer kömekli uçaryň ugraýşy baradaky şekilli görnüşi Türkiýäniň Türkmenistandaky ilçisi Togan Oral Twitterde çap etdi.
Diplomat uçaryň Türkmenistandan irden ugradylandygyny ýazdy. Onuň bortunda ýer titremesinde ejir çekenler üçin kömek serişdeleri bar.
Ozal Türkmenistanyň Prezidenti Serdar Berdimuhamedow Türkiýäniň we Siriýanyň döwlet baştutanlaryna köp sanly adam pidalaryna we ägirt uly weýrançylyklara getiren ýer titremesi zerarly çuňňur duýgudaşlyk bildirdi
Habarlar agentliginiň maglumatyna görä, magnitudalary 7,7 we 7,6 bolan we merkezi Türkiýäniň Kahramanmaraş welaýaty bolan iki sany ýer titremesindäki adam pidalarynyň sany 3 381 ýetdi. Tebigy betbagtçylykdan 20,4 gowrak adam ejir çekdi.
Baglanyşykly okaň:
KHBS-niň wekilleri Türkiýäniň ýer titremesinden ejir çeken etraplarynda wizasyz işläp bilýärler
Türkiýede we Siriýada weýrançylykly ýer titremesinden soňra halas ediş işleri dowam edýär
