2023-nji ýylyň birinji hepdesiniň esasy onlaýn-täze görkezişleri we seriallary
ORIENT ilkinji görkezilişi 2023-nji ýylyň birinji hepdesinde bolup geçen esasy seriallaryň we filmleriň ýygyndysyny hödürleýär.
Film «Bell we Sebastýan: Täze nesil»
Film öýde maşgala bolup tomaşa etmek üçin has gowy. Filmde Sebastýan atly 10 ýaşly oglanjygyň kanikul döwridagyň etegindäki obada ýaşaýan enesiniňkä gezmäge barşy barada gürrüň berilýär. Ol şol ýerde eýesitarapyndan idili idelmeýän Bell atly uly ak köpege sataşýar. Belliň we Sebastýanyň tanyşly hakyky dostluga öwrülýär, olar bir-birini goramak üçin hemme zada taýýar. Olar geljekde özlerine nähili başdan geçirmeleriň garaşýandygyny hyýalam edenoklar.
«Kaleýdeskop» serialy
Tüýkesme ogry we onuň ülpetleri baryp bolmaýan saklawhanany ýaryp, 7 mlrd dollary ogurlamagy ýüregine düwýärler. Serialyň aýratynlygy seriýalara islendik yzygiderlikde tomaşa edip bolýar. Tomaşaçynyň epizody haýsy yzygiderlikde açýandygyna baglylykda, waka täzeden ör boýuna galýar. Şol bir gahrymana duýgudaşlykbildiresiň gelýär ýa-da ol hakyky zalym bolup görünýär, sýužetiň syrlary täze görnüşde ýüze çykýar. Seriýalar reňkler boýunça atlandyrylýar, Netflix bolsa seriýalary tötänleýin yzygiderlikde çykarýar.
«Oliwýe we robotlar» serialy
Russiýanyň komediýa žanrynda surata düşürilen serial, onda ýokary tehnologiýalaryň rus hakykatyna duçar bolýan täsin geljek barada gürrüň berilýär. Serial 6 bölekden ybarat, olar öz aralarynda biri biri bilen baglanyşmaýar, olaryň hersi aýratyn gysga metražly film.
«Klipmeýkerler» filmi
Bu rus filmi ýaş moskwaly klipleri dörediji Grişa hakynda gürrüň berýär, ol özüniň şöhrada alyp barýan ýoluny 1990-njy ýyllarda başlaýar. Onuň dostlary – ýurduň iň gowy klip goýujylary, müşderileri bolsa – meşhur ýyldyzlar. Bir başdan geçirme başga has täsirlisine ulaşyp gidýär, ýöne oglanlaryň işi şowuna düşýär, we hemme zat indi başlanýar.
«Astral: Nesil» filmi
Elhenç wakalary halaýanlar “Astralyň” täze filmine tomaşa edip wagtlaryny geçirip bilerler. Film öz hakyky ene-atasyny tapmak üçin Ýewropa barýan ýaş amerikan gyzy hakynda gürrüň berýär. Soraglara näçe golaýlaşdygyça, haýsydyr bir ruh oňa ol ýerden git diýip aýak direýär.
ORIENT
Surat: kino-teatr.ru, film.ru, live.mts.ru, tnt-online.ru, kogdavyydet.ru, культура.рф
