Azerbaýjan Türkmenistan bilen Türkiýäniň arasyndaky ykdysady hyzmatdaşlyk baradaky ylalaşygy tassyklady
Azerbaýjan Respublikasynyň prezidenti Ilham Aliýew Türkmenistan we Türkiýe bilen söwda-ykdysady hyzmatdaşlyk baradaky ylalaşygy tassyklamak baradaky karara gol çekdi – diýip, Trend habar berýär.
Kanunyň çäklerinde Azerbaýjanyň Maliýe ministrligine üç ýurduň baştutanlary tarapyndan geçen ýylyň dekabrynda Türkmenbaşy şäherinde geçirilen Türkmenistan-Azerbaýjan- Türkiýe sammitinde makullanan ylalaşygyň düzgünlerini ýerine ýetirmegi üpjün etmek tabşyryldy.
Indi Azerbaýjanyň DIM-i ylalaşygyň güýje girmegi üçin zerur bolan döwletiň içerki amallarynyň ýerine ýetirilişi barada Aşgabada we Ankara habar bermelidir.
Ozal üç taraplaýyn sammitde şeýle hem söwda, ulag, ynsanperwer ugurlarda özara hyzmatdaşlyk etmek babatda ylalaşyklar gazanyldy we ikitaraplaýyn haryt dolanyşygyny ösdürmäge ygrarlydyklary tassyklanyldy.
ORIENT habarlar
