China daily: Syçuan täze doglanlaryň hasaba alnyşynyň düzgünini üýtgedýär
Ýurduň günorta-günbatarynda ýerleşýän Hytaýyň Syçuan welaýaty täze doglanlaryň hasaba alnyşynyň täze düzgünlerini girizýär – diýip, China daily habar berýär.
Düzgünler 15-nji fewralda güýje girer we bäş ýylyň dowamynda hereket eder. Syçuanyň saglygy goraýyş komissiýasynyň wekilleriniň bellemeklerine görä, täze düzgünler hökümetiň ilatyň ösüşine bolan gatnaşygyna oňaýly syýasat hökmünde jogap bolup durýar we çaga dogurmaklygyň ýokary hilli we ynamly ulgamynyň döredilmegine, çagalara ideg edilmegine gönükdirilendir.
Täze girizilen düzgünlere görä, ähli aýallar, şol sanda nikasyz çaga dogran aýallar çagalaryny hasaba aldyryp, ýeňilliklerden peýdalanyp bilerler. Mundan beýläk ähli aýallar lukmançylyk kömegine, kömek pullaryna, şeýle hem çaga üçin orta mekdepde kepillendirilen ýere bil baglap bilerler.
Ýyl hasabynda alanyňda 60 ýylyň dowamynda ilkinji gezek 850 müň adam kemelip, 2022-nji ýylda Hytaýyň ilatynyň umumy sany 1,4118 milliard adama ýetdi.
ORIENT habarlar
