Türkmenistanyň Inžener-tehnologik uniwersiteti orta mekdep okuwçylary üçin gollanmalary taýýarlar
Mugallymlary orta mekdep okuwçylary üçin okuw gollanmalarynyň üstünde işleýärler.
Leksiýa materiallary Türkmenistanda başlanan we tutuş ýurdy öz içine alýan ilkinji integral olimpiadanyň çäklerinde dörediler. Bu gollanmalar bäsleşigiň birinji tapgyryny üstünlikli geçen okuwçylar üçin elýeter bolar.
Okuw ýygyndylary matematika, fizika, himiýa, biologiýa we iňlis dili ýaly ugurlar boýunça 9, 10, 11-nji synp okuwçylary üçin niýetlenendir. Gollanmalar mekdep meýilnamasynda göz öňünde tutulan esasy mowzuklar boýunça bilimleri giňeltmäge we çuňlaşdyrmaga gönükdirilendir.
Türkmenistanyň Oguzhan adyndaky Inžener-tehnologik uniwersitetiniň mugallymlarynyň ORIENT-e habar berşi ýaly, bu goşmaça material umumybilim berýän mekdep okuwçylaryna integrirlenen olimpiadanyň indiki tapgyrlaryna taýýarlanmaga we bilim gorlaryny doldurmaga mümkinçilik berer.
«Oguz hanyň zehinli nesilleri» atly integrirlenen olimpiada umumybilim berýän mekdepleriniň okuwçylarynyň arasynda tebigy we takyk ylmy ugurly dersler boýunça badalga aldy. Okuw bäsleşigi Oguzhan adyndaky Inžener-tehnologik uniwersiteti tarapyndan guraldy.
Artur PETROSYANS
