Gazagystanyň hökümeti Bütindünýä çarwa oýunlaryna taýýarlyk işlerine başlar
2024-nji ýylda 5-nji Bütindünýä çarwa oýunlary Gazagystanda geçiriler, şonuň bilen baglylykda, ýurduň prezidenti Kasym-Jomart Tokaýew hökümete halkara ýaryşyny geçirmäge taýýarlyk görmäge başlamagy tabşyrdy. Penşenbe güni Gazagystanyň lideri Gazagystanyň Sportuň Milli görnüşleri assosiasiýasynyň başlygy Islambek Salžanow bilen duşuşdy we ýaryşlary guramaga ýokary derejede taýynlyk görmegi we kiçi we orta telekeçileriň mümkinçiliklerinden, şol sanda halk senetçiliginde, hyzmatlar we syýahatçylyk ulgamlarynda netijeli peýdalanmagy tabşyrdy – diýip, döwlet baştutanynyň metbugat gullugy habar berýär.
Mälim bolşy ýaly, geçen ýylyň güýzünde Bütindünýä etnosport konfederasiýasy Gazagystanyň 2024-nji ýylda ýaryş geçirmek baradaky arzasyny biragyzdan goldady.
Ilkinji Bütindünýä çarwa oýunlary 2014-nji ýylda Issyk-Köl kölüniň kenarynda geçirilipdi. Oýunlary geçirmek başlangyjynyň Gyrgyzystan tarapyndan öňe sürlendigini ýatlatmak isleýäris. Ikinji we üçünji çarwa oýunlary-da Gyrgyzystanda, dördünjisi bolsa 2022-nji ýylda Türkiýäniň Iznik şäherinde geçirildi.
ORIENT news
