UzA: Samarkant International Travel Bazaar-2023 halkara forumyny kabul eder
10-11-nji fewralda Samarkantda Travel Bazaar-2023 halkara forumy geçiriler – diýip, Özbegistanyň UzA Milli habarlar agentligi habar berýär.
Özbegistanyň Medeniýet we syýahatçylyk ministrliginiň goldamagynda geçirilýän Travel Bazaar-2023 Merkezi Aziýadaky syýahatçylyk hyzmatlaryny üpjün edijiler üçin ähmiýetli çäredir, hyzmatdaşlygy ýola goýmak we täze çözgütleriň gözlegi üçin platformadyr.
Iki günüň dowamynda 9 ýurtdan gatnaşjak syýahatçylyk operatorlary we ýolbeletler, ýadygärlikleriň dikeldiş işleriniň hünärmenleri, myhmanhana işgärleri, döredijilik senagatynyň we döwlet pudagynyň wekilleri tutuş Merkezi Aziýadan bolan kärdeşleri bilen tejribe alşarlar.
Forumyň maksatnamasy syýahatçylygyň gyzykly ugurlary boýunça we pudagyň soňky ugurlary boýunça tegelek stoly, Özbegistandan, Ysraýyldan, ABŞ-dan, Germaniýadan, Gyrgyzystandan, Gazagystandan we Russiýadan gelen bilermenleriň gatnaşmagyndaky seminarlary, ussat-sapaklaryny, şeýle hem B2B -duşuşyklaryny öz içine alýar.
Syýahatçylyk pudagynyň 20-dan gowrak wekilleri «ýaşyl» tehnologiýalar, sebitde agrosyýahatçylygyň geljegi baradaky hasabatlar bilen çykyş ederler, öz şäheriňi nädip dünýäde birinji orna çykarmak barada gürrüň bererler.
Çäräniň çäklerinde sergi – dürli iýmitleriň we datly tagamlaryň zolagy işlediler, şeýle hem innowasion syýahatçylyk önümleriniň tanyşdyrylyşy meýilleşdirilýär.
ORIENT habarlar
