Türkmen kompaniýasy akkumulýatorlaryň 17 müňe golaýyny daşary ýurda eksport etdi
Fewral 02, 2023 | 17:29 |10812
“Kökçi” türkmen kompaniýasy daşary ýurda ýeňil we ýük awtoulaglary üçin akkumulýatorlaryň 16 müň 778-ni eksport etdi. Kärhana jemi 45 müň 700 sany akkumulýator öndürdi – diýip, Türkmenistanyň Senagatçylar we telekeçiler birleşmesiniň saýty habar berýär.
Hojalyk jemgyýeti Türkmenabatdaky A. Nyýazow adyndaky himiki kärhana bilen bilelikde işleýär we ýurtda akkumulýator öndürmek boýunça ilkinji hususy kärhanadyr. Ol ýerde her gije-gündizde 300-350 sany akkumulýator öndürilýär.
Häzirki wagtda önümçiligi giňeltmek boýunça işler alnyp barylýar. Kärhana häzirki zaman enjamyny Hindistandan we Hytaýdan satyn alýar. Bu bolsa öndürilýän önümiň möçberini iki esse artdyrmaga mümkinçilik berýär.
ORIENT habarlar
