BMG we Türkmenistan zorlukly ekstremizmiň öňüni almakdaky hyzmatdaşlyga garadylar
BMG-niň Merkezi Aziýa boýunça öňüni alyş diplomatiýasynyň sebitleýin merkezi zorlukly ekstremizmiň öňüni almak we terrorçylyga garşy göreşmek strategiýasyny durmuşa geçirmekde Türkmenistana mümkin bolan goldawy bermek boýunça brifing gurnady. Bu barada Türkmenistanyň Döwlet migrasiýa gullugynyň resmi saýty habar berýär.
Hususan-da, ýurduň degişli döwlet edaralarynyň wekilleri halkara bilermenler bilen bilelikde 2020-2024-nji ýyllar üçin zorlukly ekstremizmiň öňüni almak we terrorçylyga gary göreşmek baradaky Milli strategiýa garadylar. Strategiýa migrasiýa, serhet gözegçiligi, internet, durmuş-ykdysady we syýasy jähtleri, şeýle hem adam hukuklary we kanunyň hökmürowanlygy ýaly wajyp ugurlary öz içine alýar.
Gatnaşyjylar şeýle hem döwlet araçäklerini goramak babatyndaky öňdebaryjy tejribe, bu ugurdaky dürli halkara guramalarynyň işjeňligi bilen tanyşdylar.
ORIENT habarlar
