Türkmenistanda «Körlük – höküm däl» atly ýaşlar durmuş taslamasyna badalga berildi
Türkmenistanda «Körlük – höküm däl» atly durmuşy taslamasyna badalga berildi – diýip, Migrasiýa baradaky halkara guramasynyň Türkmenistandaky wekilhanasynyň maglumatynda habar berilýär.
Ýaşlar liderligine goldaw bermek baradaky grantyň çäklerinde ýerine ýetirilýän bu taslamanyň başlangyjy bilen Türkmenistanyň Körler we kerler jemgyýetiniň Ýaşlar komitetiniň ýolbaşçysy Şabibi Osmanowa çykyş etdi.
Onuň pikiri soňra kör bolan adamlara duýgy-psihologik taýdan emele gelýän böwedi ýeňip geçmekde kömek etmäge, olaryň jemgyýete goşulyşmagyna goldaw bermäge niýetlenendir.
Taslama Aşgabatda, Daşoguzda we Balkanabatda ýaşaýan görüş babatda maýyplygy bolan 50 sany adam gatnaşar. Olar okuw-tälimlerini geçerler, onuň çäklerinde gündelik durmuş-ýaşaýyş bilen baglanyşykly meseleleri ýeňip geçmegiň usullaryna gararlar, giňişlikde ugrukmak usullary bilen tanyşarlar, şeýle hem maglumatlar tehnologiýalary babatynda öz habardarlygyny ýokarlandyrarlar. Özleri hem görüş taýdan maýyp bolan tälimçiler «deň-deňe» usulyýeti boýunça okuw materiallaryny hödürlärler.
Başlangyç Migrasiýa boýunça halkara guramasynyň «Jemgyýetiň durmuşyna gatnaşmak arkaly ýaşlaryň mümkinçiliklerini pugtalandyrmak» taslamasynyň bir bölegidir, ol Ýewraziýa Gaznasy (FE) we Merkezi Aziýada Sosial Innowasiýalar (SICA) maksatnamasy bilen hyzmatdaşlykda durmuşa geçirilýär we ABŞ-nyň Halkara Ösüş Agentligi (USAID) tarapyndan maliýeleşdirilýär.
ORIENT habarlar
