Türkmenistanda howanyň üýtgemegine uýgunlaşma boýunça MA-da mugallymlar üçin ilkinji gollanma döredildi
ÝUNISEF-iň Türkmenistandaky wekilhanasy ýurduň Bilim ministrligi we Milli bilim instituty bilen bilelikde orta mekdepleriň mugallymlary üçin howanyň üýtgemegine uýgunlaşma boýunça gollanmany döretdiler. Bu barada guramanyň ýaýradan maglumatynda habar berilýär.
Bu Merkezi Aziýadaky şunuň ýaly neşirleriň ilkinjisidir, ol okuw prosesiniň kämilleşdirilmegine ýardam eder, okuwçylaryň howanyň üýtgemegine, daşky gurşawy goramak we betbagtçylyklaryň töwekgelçiligini kemeltmäge degişli meseleler boýunça bilimlerini we başarnyklaryny giňelder. Howanyň üýtgemegine uýgunlaşma temasy başlangyç we orta bilimiň tebigaty öwreniş, ekologiýa, geografiýa, adamyň durmuş işjeňliginiň we oba hojalygynyň esaslary ýaly dersleriň maksatnamasyna goşular.
«Bu howanyň üýtgemegine uýgunlaşmak, ekologiki we tebigy betbagtçylyklaryň töwekgelçiligini kemeltmek, habardarlygyň ýokarlanmagyna we Türkmenistandaky mekdep okuwçylarynyň özüni alyp barşyny üýtgetmäge ýardam etmek boýunça umumymilli tagallalary goldamak üçin ajaýyp mümkinçilikdir» – diýip, ÝUNISEF-iň Türkmenistandaky wekili Mohammad Faýýazi tanyşdyrylyş dabarasynda belledi. Ol şeýle hem gollanmanyň 2030-njy ýylyň Gün tertibiniň maksatlaryna ýetmegiň çäklerinde bilim ulgamynyň durnuklylygyny üpjün etmäge niýetlenendir – diýip, nygtady.
Bilim ulgamynyň wekilleri howanyň üýtgemegine uýgunlaşma boýunça bäş sany täze gollanmanyň 8 müň sanydan gowragyny aldylar.
ORIENT habarlar
