Aşgabatda spikeriň ýolbaşçylygyndaky Russiýa Federasiýasynyň Döwlet Dumasynyň wekiliýetini garşy aldylar
Russiýa Federasiýasynyň Federal Assambleýasynyň Döwlet Dumasynyň başlygy Wýaçeslaw Wolodiniň ýolbaşçylygyndaky Döwlet Dumasynyň wekiliýeti Aşgabada resmi iş sapary bilen geldi. Delegasiýanyň resmi saparynyň çäklerinde Türkmenistanyň Mejlisinde duşuşyklar meýilleşdirilýär.
Kärdeşleriň ilkinji duşuşyklary myhmanlar türkmen paýtagtyna gelip düşen badyna geçirildi, bu barada RF Döwlet Dumasynyň internet saýtynda habar berilýär.
Şeýle hem, wekiliýetiň düzümi barada habar berilýär. Oňa Döwlet Dumasynyň başlygynyň orunbasary Şolban Kara-ool, GDA işleri, Ýewraziýa integrasiýasy we watandaşlar bilen gatnaşyklar boýunça toparyň başlygy Leonid Kalaşnikow, Sebit syýasaty we ýerli öz-özüňi dolandyryş komitetiniň başlygy Alekseý Didenko, Ylym we ýokary bilim boýunça komitetiň başlygynyň birinji orunbasary Aleksandr Mažuga we Halkara işler boýunça komitetiň başlygynyň orunbasary Irina Rodnina girýär.
ORIENT news
