GDA-nyň Minskdäki ştab-kwartirasynda täze türkmen Arkadag şäheri tanyşdyryldy
Sişenbe güni GDA-nyň Minskdäki ştab-kwartirasynda Gyrgyzystan Respublikasynyň baştutanlygynda GDA-nyň agza döwletleriniň hemişelik doly ygtyýarly wekilleriniň geňeşiniň mejlisi geçirildi.
Wideoaragatnaşyk arkaly geçirilen mejlise Ýerine ýetiriji komitetiň başlygy - Garaşsyz döwletler arkalaşygynyň baş sekretary Sergeý Lebedew we onuň orunbasarlary gatnaşdylar.
Duşuşygyň barşynda Türkmenistanyň Belarus Respublikasyndaky ilçisi, GDA-nyň kanuny we beýleki guramalarynda Türkmenistanyň hemişelik dolyygtyýarly wekili Nazarguly Şagulyýew Ahal welaýatynyň täze dolandyryş merkezi – Arkadag şäheriniň gurluşygy barada tanyşdyryş doklady bilen çykyş etdi.
Şagulyýew täze Arkadag şäherinde häzirkizaman tehnologiýalarynyň we daşky gurşaw ülňüleriniň utgaşmagyna, adamlar barada alada bilen sosial meseleleriň innowasion çözgütlerine ünsi jemledi. Ilçi täze şäheriň diňe türkmen güýçleri bilen gurulýandygyny we taslamanyň durmuşa geçirilmeginde öňdebaryjy dünýä tejribesiniň ulanylýandygyny aýtdy.
Duşuşyga gatnaşyjylara akylly şäher düşünjesine laýyklykda durmuşa geçirilýän ägirt uly taslamany wizual şekillendirýän täze Arkadag şäheri barada wideo görkezildi.
ORIENT news
