Türkmenistanda käbir ýerlerde howa +20 dereja çenli maýlar

Ýanwar 28, 2023 | 12:47 |7775

20 güne golaý dowam eden Türkmenistandaky çenden aşa sowuk howa indiki hepde maýlar. Käbir ýerlerde howa +20 derejä çenli maýlar – diýip, «Meteožurnal» ýazýar.

Siklonyň Alynky Aziýa sebitinden çykmagynyň netijesinde maýlama bolar. Has maýyl howa çarşenbe güni garaşylýar – ýurduň gündogarynda we günorta-gündogarynda termometr +16...+21 derejäni görkezer. Günbatarda we demirgazykda temperatura +7...+12 derejä ýeter, Aşgabatda bolsa 11-13 dereje maýyl howa bolar.

Şeýle hem çarşenbe güni birnäçe etraplarda ýagyş ýagmagyna garaşylýar. Mary we Lebap welaýatlarynda şemalyň tizliginiň 12-17 m/s ýetmegi mümkin.

ORIENT habarlar