Gülşat Mämmedowa RF-nyň deputatlaryny parlament saýlawlarynda synçy hökmünde gatnaşmaga çagyrdy
Türkmenistanyň Parlamentiniň (Mejlisiniň) başlygy Gülşat Mämmedowa Aşgabatda Döwlet Dumasynyň başlygy Wýaçeslaw Wolodin bilen duşuşygynyň dowamynda Russiýanyň Döwlet Dumasynyň deputatlaryny ýurtdaky öňde duran parlament saýlawlarynda synçy hökmünde gatnaşmaga çagyrdy – diýip, DD-nyň saýty habar berýär.
Muňa jogap edip, Wolodin Döwlet Dumasynyň Türkmenstana öz wekillerini ugratjakdygyny tassyklady. Saýlawlary 26-njy martda geçirmek meýilleşdirilýär.
Aşgabatdaky duşuşykda taraplar şeýle hem iki ýurduň parlamentleriniň arasyndaky hyzmatdaşlygy mundan beýläk-de ösdürmek meselesini ara alyp maslahatlaşdylar. «Haçanda biz parlament ölçegleri barada aýdanymyzda, esasy zat dialogyň bolmagydyr» – diýip, Wolodin belledi.
DD-nyň başlygy şeýle hem uzak dowam eden arakesmeden soň iki ýurduň öňünde duran meseleleri mümkin boldugyça netijeli çözmek üçin hyzmatdaşlygyň täze derejesine çykmagyň möhümdigini belledi.
Duşuşygyň dowamynda Wolodin hem Mämmedowany resmi sapar bilen Moskwa gelip görmäge çagyrdy.
ORIENT habarlar
