Eýranyň demirgazyk-günbatarynda güýji 5,9 bala deň ýer titremesi boldy, adam pidalary bar
Eýranyň demirgazyk-günbatarynda 5.9 ball ululykda ýer titremesi şenbe güni bolup geçdi. Ýekşenbe güni Eýranyň KHBS-i ýer titremesinde üç adamyň heläk bolandygy we 816 adamyň ejir çekendigi barada ýazdylar. Bu barada Günbatar Azerbaýjan welaýatynyň häkimi Muhammet Sadeg Motamedýan habar berdi.
Ýeriň 43 km aşagynda emele gelen ýer titremesiniň merkezi Hoý şäheriniň 23 km günorta-gündogary boldy. Ilkinji çaklamalara görä, ýer titremesi 2 şähere we 70-den gowrak oba zeper ýetirip, ol ýerlerdäki binalaryň 50%-ini weýran etdi.
Günbatar Azerbaýjanyň Gyzyl Ýarymaý Jemgyýetiniň başlygy Hamid Mehbubiniň IRNA habarlar gullugyna aýdyşy ýaly, Hoýa 500 halas ediji, şeýle hem ýitginiň derejesini kesgitlemek üçin ýörite toparlar ugradyldy.
“Sputnik Azerbaýjanyň” berýän habaryna laýyklykda, ýer titremesi Azerbaýjanyň Nahiçewan şäherinde-de duýuldy. Ýer sarsgyny, takmynan 10-15 sekunt dowam etdi, ýurtda jebir çeken ýok.
ORIENT news
