Türkmen döwlet mugallymçylyk institutynyň binalarynyň täze toplumynyň taslamasy hödürlendi
Seýitnazar Seýdi adyndaky Türkmen döwlet mugallymçylyk institutynda ýokary okuw mekdebiniň binalarynyň täze toplumynyň taslamasynyň tanyşdyrylyşy boldy – diýip, resmi türkmen metbugaty habar berýär.
Taslama baş binany we okuw-terbiýeçilik işi, mugallymlaryň we talyplaryň ylmy işleri üçin ähli zerur bolan zatlar bilen enjamlaşdyrylan alty sany okuw binasyny öz içine alýar.
Täze toplumda şeýle hem dabaraly çäreler üçin aktlar zaly, dört sany umumy ýaşaýyş jaýy, sport zaly we açyk sport meýdançalary, naharhana, seýilgäh zolagy göz öňünde tutulandyr. 26 gektardan gowrak meýdanda talyplar şäherçesi emele geler, ol ýerde geljekki mugallymlar diňe okamak bilen çäklenmän, eýsem boş wagtlaryny peýdaly geçirip bilerler.
Institutyň kommunikasiýa işini üpjün etmek üçin tehniki jaýlar gurlar. Şeýle hem ýapyk awtoulag duralgasynyň gurluşygy göz öňünde tutulýar.
Türkmen döwlet mugallymçylyk institutynyň binalarynyň täze toplumyny gurmak başlangyjy bilen Halk Maslahatynyň Başlygy Gurbanguly Berdimuhamedow tarapyndan geçen ýylyň iýun aýynda ýokary okuw jaýynyň mugallymlary we talyplary üçin geçirilen leksiýanyň barşynda çykyş edipdi.
ORIENT habarlar
