Gijeki asmanda ýyldyzlaryň görnüşi barha kemelýär - ylmy-barlag
Rur uniwersitetinden ylmy-barlag topary 2011-nji ýyldan 2022-nji ýyllar aralygynda «Ýer şary-gijesine» ylmy taslamasynyň çäklerinde ýyldyzlara adaty göz bilen 50 000 syn etmeleri seljerdiler, olaryň netijesinde adamlaryň bütin dünýä boýunça gijeki asmanda barha az ýyldyz görýändikleri ýüze çykaryldy. Bu asmanyň ýagtylygynyň her ýylda 7-10% artýandygy bilen baglanyşyklydyr – diýip, Science žurnalynda neşir edilen ylmy-barlagyň netijeleri barada aýdylýar.
Ýeriň ep-esli böleginde Gün batandan soňra asman alagaraňkylykda bolmagyny dowam edýär. Bu hadysa - ýagtylyk hapalanmasy görnüşidir, ol şäherleriň giňelmegi we dünýä boýunça ulanylýan yşyklandyryş gurallarynyň sanynyň artmagynyň netijesinde bolýar. Ýewropada asmanyň ýagtylygynyň ulalyş derejesi ýylda 6,5%, Demirgazyk Amerikada bolsa ol ýylda 10,4%-den geçýär.
Şunda asmanyň ýagtylyk derejesi diňe bir şäherleriň özünde däl-de, eýsem emeli ýagtylandyryş bolmadyk ýerinde hem ýokarlanýar.
«Eger-de ýagtylygyň artmagy şu depginler bilen dowam etse, onda 250 ýyldyz görünýän ýerde dogulan çaga özüniň 18-nji doglan gününde şol ýerde diňe 100 sany ýyldyz görüp biler» – diýip, ylmy-barlag toparynyň baştutany Kristofer Kiba aýtdy.
ORIENT habarlar
