Türkmenistanly mekdep okuwçysy matematika boýunça halkara internet-olimpiadasynda ýeňiş gazandy

Ýanwar 23, 2023 | 20:27 |7771

Türkmenistandan ýaş matematik, Aşgabadyň 87-nji ýöritleşdirilen mekdebiniň okuwçysy Rejepmämmet Babyşow World Mathematics Team Championship internet-olimpiadasynda altyn medal gazandy – diýip, resmi türkmen metbugaty ýazýar.

Onlaýn görnüşde geçen intellektual bäsleşige 17 ýurtdan 100-den gowrak okuwçy gatnaşdy.

World Mathematics Team Championship olimpiadasy 2009-njy ýyldan bäri geçirilýär we bütin dünýäden okuwçylara we talyplara diňe bir özaralarynda ýaryşmaga däl, eýsem bilim we tejribe alyşmaga, täze dostlary tapmaga we bilelikde ýaşlaryň arasynda matematikany meşhur etmäge ýardam berýär.

ORIENT habarlar