Sport federasiýalarynyň baştutanlaryny sosial torlarda işleri işjeňleşdirmäge çagyrdylar
Sport federasiýalarynyň baştutanlaryny BCW Sports (Burson, Cohn & Wolfe) kompaniýasy tarapyndan geçirilen we meşhur internet-platformalarda iň meşhur sport federasiýalaryna bagyşlanan ylmy-barlagyň netijesine daýanmak bilen, öz işlerini sosial torlarda işjeňleşdirmäge çagyrdylar.
Halkara sport federasiýalarynyň ýolbaşçylaryna ýüzlenip, BCW Sports olary janköýerler we bütin dünýädäki sporty halaýanlar bilen aragatnaşyk saklamak üçin sosial torlaryň mümkinçiliklerinden has köp peýdalanmaga çagyrdy.
«Biz sosial torlaryň işewürlik-düzümleriň baştutanlaryna nähili täsir edýändiklerini görýäris, indi sport liderlerine-de işjeňleşmegiň wagty geldi» - diýip, BCW Sports kompaniýasynyň çap eden sözlerinde aýdylýar.
Sosial torlarda iň meşhur federasiýalaryň reýtinginde kriketiň Halkara geňeşi birinji ýerde durýar. Geňeşiň sanly platformalaryna jemi 92,2 mln ulanyjy ýazylandyr. Bu geçen ýyl bilen deňeşdireniňde 16% köpdür. Kriketiň Halkara geňeşi her gün Instagram-daky çap etmeleriň sany boýunça Facebook-daky ýazylýanlaryň sany boýunça we ondaky habarlaryň sany boýunça-da, Twitter-däki habarlary boýunça hem ynamly öňdeligi eýeleýär.
Ikinji orny 51,4 mln ýazylanlary bilen Futbolyň halkara federasiýasy eýeleýär, ol 2022-nji ýylyň başy bilen deňeşdirilende öz netijelerini 25% gowulandyrdy. Şunda FIFA Twitter-däki, LinkedIn-däki we YouTube-daky beýleki federasiýalaryň arasynda ýazylanlaryň sany boýunçä öňdeligi eýeleýär.
Iň meşhur federasiýalaryň sanawynda üçünji ýeri alan Basketbol halkara federasiýasy 2022-nji ýylyň dowamynda 12% ösüş gazandy. Onuň ýazylanlarynyň sany 15,5 mln ýetdi.
ORIENT habarlar
