Belorussiýanyň ýokary okuw mekdepleriniň talyplary Türkmenistanda okap bilerler
Belorussiýanyň informatika we radioelektronika döwlet uniwersiteti öz talyplaryndan indiki okuw ýylynda daşary ýurtda, şol sanda Türkmenistanda okamak üçin ýüz tutmalary kabul edýär. Bu barada ýokary okuw mekdebiniň metbugat gullugy habar berýär – diýip, Belarus Segodnýa gazeti ýazýar.
Talyp hakly maksatnamada okamak üçin ýüz tutmalar 2023-nji ýylyň 25-nji ýanwaryndan 15-nji fewralyna çenli kabul edilýär. Gyzyklanýan taraplar P. Browki köçesi, 6 (IRBDU-ň 1-nji binasy,) 116a otagy salgysynda ýerleşýän bilim hyzmatlarynyň ösdüriliş Merkeziniň halkara gatnaşyklary bölümine degişli resminamalary tabşyrmalydyrlar we a.filimonova@bsuir.by. elektron poçtasyna elektron görnüşde ugratmalydyrlar.
Resminamalaryň kabul edilýän wagty: 9:00-13:00, 14:00-17:00.
Dalaşgärleriň seçilip alynmagy 22-nji fewralda bolar, netijeleri bolsa ýokary okuw mekdebiniň saýtynyň “Halkara hyzmatdaşlygy” bölüminde ýerleşdiriler.
Saýlanyp alnan gatnaşyjylaryň resminamalary Belarus Respublikasynyň Bilim ministrligine respublikan derejede bäsleşige gatnaşmak üçin ugradylar.
Talyp hakly maksatnamanyň çäklerinde IRBDU-ň talyplary şeýle hem Gazagystanda, Gyrgyzystanda, Täjigistanda, Wýetnamda, Mongoliýada, Moldowada, Siriýada, Müsürde okap bilýärler.
ORIENT habarlar
