Türkmenistan we Owganystan türkmen elektrik energiýasyny ibermek hakynda şertnamany uzaltdylar
«Türkmenenergonyň» başlygy we Da Afghanistan Breshna Sherkat (DABS)-nyň baş direktory 2023-nji ýylda türkmen elektrik energiýasynyň Owganystana iberilmegini uzaltmak hakynda ylalaşyga gol çekdiler – diýip, Owganystanyň Suw we energiýa üpjünçilik işleri boýunça ministrliginiň Twitterdäki sahypasyna salgylanyp, TASS habar berýär.
Birnäçe ýyllaryň dowamynda Türkmenistan ýeňillikli bahadan Owganystanyň demirgazyk sebitini elektrik energiýasy bilen üpjün edýär. Şeýle hem bu ýurda Täjigistan we Özbegistan elektrik energiýasyny eksport edýärler.
Türkmenistan 2025-nji ýyla çenli Owganystana eksport edilýän elektrik energiýany 8,7% artdyrmagy meýilleşdirýär. Muňa täze elektrik stansiýalaryň, elektrik liniýalaryň, döwrebap transformator beketleriniň we paýlaýjy gurluşlaryň gurulmagy ýardam edýär.
ORIENT habarlar
