Birleşen Milletler Guramasy Türkmenistana pudagara maglumat alyş-çalyş ulgamyny ornaşdyrmaga ýardam berýär
BMG-niň Türkmenistandaky hemişelik wekilhanasy ýurduň hökümetine elektron maglumatlary alyşmak üçin pudagara ulgamyny ornaşdyrmaga ýardam berýär.
Bu barada Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýew anna güni geçirilen Ministrler Kabinetiniň mejlisinde belledi – diýip, TDH agentligi habar berýär.
Meýilnamalary durmuşa geçirmek üçin «Türkmenistanda elektron maglumat alyşmak üçin pudagara ulgamyň ornaşdyrylmagyny öňe sürmek baradaky» resminama «Türkmenaragatnaşyk» agentliginiň we BMG-niň Türkmenistandaky hemişelik wekilhanasynyň arasyndaky «Elektron hökümet» ulgamynda hyzmatdaşlyk etmek baradaky özara düşünişmek Ähtnamasynyň esasynda taýýarlandy.
Türkmenistan tarapyndan Sanly ykdysadyýeti ösdürmek konsepsiýasyny durmuşa geçirmegiň çäginde elektron maglumatlary alyşmak üçin pudagara ulgamyň ornaşdyrylmagy, resminamalaryň guramalar bilen bölümleriň arasyndaky resminamalaryň alyşmakda sarp edilýan wagty tygşytlamak, şeýle hem olary gaýtadan işlemek we ibermek üçin çykdajylary azaltmak bilen döwlet edaralarynda dolandyryşyň netijeliligini ýokarlandyrmaga ýardam berer. Mundan başga-da, bu ulgam resminamalaryň ýerine ýetirilişine gözegçiligi gowulandyrmaga gönükdirilendir.
ORIENT news
Surat: bluelinkerp.com
